Belçika Qran Prisi: İkinci sərbəst yürüşlər

Quru. Günəşli. Havanın temperaturu +22°-24° C, trasın temperaturu +36°-39° C

Bu gün Spada əla hava olub – isti, quru və günəşli hava komandaların məhsuldar işləməsinə səbəb olub, tribunlar isə yerli Formula1 azarkeşləri ilə dolu olub.

Lotus nahardan əvvəl qəzaya urğamış Pastor Maldonadonun maşınını vaxtında bərpa edə bilməyib – Pastor sessiyanın ilk yarım saatını boksda gözləməli olub. Digər sürücülər isə ilk dəqiqələrdən trasa tələsiblər – bütün sürücülər ənənəvi proqram üzrə işləyiblər – sazlanmaların axtarışı və iki təkər tərkibinin effektliyinin qısa və uzun dövrələr seriyasında qiymətləndirilməsi.

İsti asfaltla Medium tərkibinin ilişməsi yaxşı alınmayıb – maşınlar trasda sürüşüblər və mühəndislər sürətlə ilişmə arasında kompromis axtarışında tədricən maşınların asfalta yatma qüvvəsini artırmalı olublar.

Kvyat və Nasr pit-leyndə az qalıb ki, toqquşsunlar – Red Bull komandası rusiyalı sürücüsünü pit-leyndən Felipe keçərkən buraxıb: Sauber sürücüsü zamanında əyləci basa bilib. Maldonado 8 dövrədən sonra əyləclərin qızması üzündən boksa qayıtmalı olub, amma tezliklə işini davam etdirib.

Sessiyanın ikinci yarısında sürücülər Soft tərkibinə keçiblər – yumşaq təkərlər daha effektiv olublar, sürət fərqi isə kəskin artıb.

Sessiyanın sonuna 25 dəqiqə qalmış qırmızı bayraqlar dalğalanıb – Blanchimont döngəsində Rosberqin maşınında sağ arxa təkər partlayıb. İnsident yerinə bir neçə kilometr qalmış təkərdə yavaş deşilmə müşahidə olunub, təkərdə hava təzyiqi tədricən düşüb, sonda isə təkər partlayıb. Maşın təxliyyə olunub, təkərin qırıntları trasda təmizlənib – 10 dəqiqədən sonra sessiyaya restart verilib.

Amma tezliklə marşallar yenə də qırmızı bayraqlara əl atmalı olublar – porebrik üzərində Eriksonun maşını idarəetməni itirib və trasdan çıxaraq böyük sürətlə qoruyucu baryerlərə çırpılıb. Markus maşını müstəqil tərk etsə də, yerli tibbi mərkəzə aparılıb – maşında yüksək yüklənmə indikatoru işləyib.

Sessiyanın sonunda isə Qrojanın maşını trasda dayanıb – motor gözlənilmədən gücünü itirib, amma qırmızı bayraqlara ehtiyac olmayıb, çünki sessiya baaş çatıb.

Səhər olduğu kimi, protokollara Niko Rosberq başçılıq edib – 1:49.385. F-1.az xatırladır ki, sabah səhər məşqlər davam edəcək…

Nəticələr belə olub: