F-1.az xəbər verir ki, yağış mərhələ başlamazdan əvvəl güclənib və sıralanma turu vəziyyət düzələnə qədər təxirə salınıb. FİA-nın bu qədər ehtiyatlı olmasının səbəbi 3 həftə əvvəl Spada yağışlı şəraitdə gənc sürücünün qəzada ölməsidir.
Tezliklə yağıntı kəsilib və 35 dəqiqəlik gecikmədən sonra sürücülər mübarizəyə başlayıblar.
İlk sessiyada hamı keçid təkərləri ilə trasa çıxıb və ciddi insiden olmayıb. Ferstappen ən yaxşı nəticəni göstərib – 1:58.135. Hülkenberq dünən olduğu kimi, yenə də nəticə əldə etmədən boksa qayıdıb. Onunla birlikdə Çjou, Maqnussen, Bottas və Tsunoda da mübarizəni dayandırıb.
İkinci sessiyada da hamı yaşıl təkərlərlə boksları tərk edib, lakin trayektoriya da qurumağa başlayıb. Stroll sliklərə keçən ilk sürücü olub və bu, yaxşı nəticə verməyib – qəza nəticəsində bariyerə çırpılıb və qırmızı bayraqlarla sessiya dayandırılıb. Sona az qaldığı üçün ikinci sessiyanın davam etdirilməməsinə qərar verilib.
Ferstappen yenə də protokollarda birinci olub – 1:55.200. Alonso, Stroll, Sarcent, Elbon və Rikkardo ilk onluğa düşməyiblər. Rikkardodan başqa digər 4 sürücü ümumiyyətlə nəticə göstərməyə imkan tapmayıb.
Son Sessiyada sürücülər artıq Soft təkərləri seçiblər. Tras da quruduğu üçün hər növbəti nəticə daha yaxşı olub. Son saniyələrdə liderin adı dəfələrlə dəyişilsə də, yekun nöqtəni Maks Ferstappen qoyub – 1.49.056.
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 1 | Maks Ferstappen | Red Bull | 1 | 1:58.135 | 6 | 1 | 1:55.200 | 3 | 1:49.056 | 5 |
| 2 | 81 | Oskar Piastri | McLaren | 11 | 2:00.056 | 6 | 6 | 1:56.392 | 3 | 1:49.067 | 5 |
| 3 | 55 | Karlos Sayns | Ferrari | 6 | 1:59.414 | 6 | 7 | 1:56.557 | 3 | 1:49.081 | 5 |
| 4 | 16 | Şarl Lekler | Ferrari | 7 | 1:59.575 | 6 | 5 | 1:56.265 | 3 | 1:49.251 | 5 |
| 5 | 4 | Lando Norris | McLaren | 13 | 2:00.436 | 7 | 8 | 1:56.828 | 5 | 1:49.389 | 4 |
| 6 | 10 | Pyer Qasli | Alpine | 10 | 2:00.032 | 6 | 4 | 1:56.137 | 4 | 1:49.700 | 5 |
| 7 | 44 | Lyuis Həmilton | Mercedes | 2 | 1:58.939 | 7 | 2 | 1:55.823 | 5 | 1:49.900 | 4 |
| 8 | 11 | Serxio Peres | Red Bull | 5 | 1:59.362 | 6 | 3 | 1:55.878 | 3 | 1:49.961 | 5 |
| 9 | 31 | Esteban Okon | Alpine | 8 | 1:59.884 | 6 | 9 | 1:57.051 | 4 | 1:50.494 | 5 |
| 10 | 63 | Corc Rassell | Mercedes | 15 | 2:00.475 | 6 | 10 | 1:57.393 | 3 | 1:55.742 | 4 |
| 11 | 3 | Daniel Rikkardo | AlphaTauri | 12 | 2:00.177 | 6 | 11 | 1:57.687 | 4 | ||
| 12 | 23 | Aleksander Elbon | Williams | 4 | 1:59.198 | 6 | 12 | – | 2 | ||
| 13 | 2 | Loqan Sarcent | Williams | 9 | 2:00.031 | 6 | 13 | – | 4 | ||
| 14 | 18 | Ləns Stroll | Aston Martin | 14 | 2:00.460 | 6 | 14 | – | 3 | ||
| 15 | 14 | Fernando Alonso | Aston Martin | 3 | 1:59.038 | 5 | 15 | – | 1 | ||
| 16 | 22 | Yuki Tsunoda | AlphaTauri | 16 | 2:00.568 | 6 | |||||
| 17 | 77 | Valtteri Bottas | Alfa Romeo | 17 | 2:00.951 | 6 | |||||
| 18 | 20 | Kevin Maqnussen | Haas | 18 | 2:01.079 | 7 | |||||
| 19 | 24 | Quanyu Çjou | Alfa Romeo | 19 | 2:01.430 | 7 | |||||
| 20 | 27 | Niko Hülkenberq | Haas | 20 | – | 6 | |||||
