Belçika-2022: Yarış

F-1.az xatırladır ki, cümə günü baş tutan sərbəst yürüşlərdə əvvəlcə Karlos Sayns, daha sonra isə Maks Ferstappen hamıdan sürətli olub. Dünənki son məşqlərdə isə Serxio Peres protokollara başçılıq edib. Sıralanma turunda Maks Ferstappen böyük fərqlə qalib gəlib, lakin yeritirmə cəzasına görə pouldan başlamaq haqqını ikinci olan Karlos Sayns əldə edib.

Səkkiz sürücü güc qurğusu dəyişikliyinə görə yer itirməklə cəzalandırılıb – Bottas 15 yer itirməli olub, Ferstappen, Lekler, Okon, Norris, Çjou və Şumaxer peletonun arxasına göndəriliblər. Tsunoda isə qapalı park qaydalarının pozularaq motorun dəyişdirilməsinə görə pit-leyndən start almalı olub.

Pirelli bura orta üçlüyü – C2, C3 və C4tərkiblərini gətirib. Start üçün Sayns, Bottas, Ferstappen və Lekler Soft, Tsunoda Hard, qalanları isə Medium-u seçiblər.

Yarışa birinci cərgədən Sayns və Peres, ikinci cərgədən Alonso və Həmilton, üçüncü cərgədən isə Rassell və Elbon başlayıb.

Startda Sayns üstünlüyünü qoruyub, Peres isə Alonso və hər iki Mercedes sürücüsündən geri qalıb. Fettel komanda yoldaşını trasdan çıxarıb və onun yer itirməsinə səbəb olub. Həmilton və Alonso təmas yaşayıblar – Lyuis yarışı dayandırmalı olub. Heç bir cəza verilməsə də, yeddiqat dünya çempionu səhvini boynuna alıb. Ferstappen və Lekler ilk onluğa giriblər. 2-ci dövrədə ilk onluq: Sayns – Peres – Rassell – Alonso – Fettel – Rikkardo – Albon – Ferstappen – Lekler – Stroll.

Latifi 6cı döngədə sürüşərək Bottasla təmas yaşayıb və finlandiyalı sürücünün yarışı dayandırmasına səbəb olub. TM trasa daxil olub. Leklerin ön əyləcinin soyutma sisteminə yad cismin düşməsi onun erkən pit-stop etməsinə səbəb olub. Restart 4-cü döngədə verilib – Sayns yenə yerini qoruyub. Alonso Rassellə hücumlar edib. Ferstappen isə Elbon və Rikkardonu dərhal keçib. Lekler də Latifi və Şumaxeri ötüb.

Elbon da Rikkardonu geridə qoyub. Maks isə növbəti 2 dövrədə Fettel, Alonso və Rasselli də keçərək artıq ilk üçlüyə yüksəlib. Lekler hər iki AlphaTauri pilotunu qabaqlayıb, Norris isə Maqnusseni geridə qoyub. Lekler daha sonra Çjou və Maqnussenlə mübarizədən qalib ayrılıb.

Elbon və Qasli pit-stop dalğasını başladıb, 12-ci dövrədə Sayns, Alonso və Maqnussen onlara qoşulub. Ferstappen komanda yoldaşını keçərək liderliyə yüksəlib, Sayns isə Rikkardonu keçib. Rikkardo, Okon və Rassell də təkərlərini dəyişiblər. Norris də pit-stopa çağrılıb, Lekler Strollu da geridə qoyub.

Peres, Fettel, Çjou və Şumaxer 15-ci dövrədə təkərlərini dəyişiblər. Peres Lekleri üstələyib. Şarl əks hücum etsə də, meksikalı sürücü yerini qoruyub. Maks pit-stopdan Saynsdan 5 saniyə arxada ikinci qayıdıb. Rassell də Lekleri ötüb.

Fettel Elbonu, Okon isə Rikkardonu keçib. Ferstappen böyük üstünlüklə Saynsa yaxınlaşaraq onu geridə qoyub, hətta dövrənin sonunda fərqi 2 saniyəyə çıxarıb. Norris Çjounu, Okon Elbonu üstələyib. Peres də ikinci yer uğrunda mübarizədə Saynsı udub.

Qasli, Sayns, Lekler və Alonso yenə pit-stop ediblər, Elbon, Stroll, Peres və Maqnussen də bir qədər sonra eyni addımı atıb. Alonso Çjounu keçərək 10-cu yerə qalxıb. Çinli sürücü pit stopa yönəlib, Rassell də təkərlərini yenə dəyişib. Ferstappen də pir-stopdan ldier kimi qayıdıb. Lekler Fetteli qabaqlayıb.

Okon, Rikkardo və Fettel təzə təkərlərə keçiblər. 35-ci dövrədə ilk onluq: Ferstappen – Peres – Sayns – Rassell – Lekler – Alonso – Qasli – Fettel – Okon – Albon.

Fettel Qasliyə hücum edərək qabaqlayıb, elə bu anda Okon onların hər ikisini keçib. Lekler sürətli dövrə üçün 43-cü dövrədə Soft təkərlərə keçib. lakin trasa qayıdarkən Alonso tərəfindən keçilib. Yenidən mövqeyini qaytarmaq cəhdi onu sürətli dövrədən məhrum edib. Daha sonra isə pit-leyndə sürət həddini aşdığı məlum olduğu üçün 5 saniyəlik cəza verilib və mövqeyini itirmiş olub.

Maks Ferstappen mövsümdə 9-cu, karyerasında isə 29-cu qələbəsini qazanıb. İkinci olan Serxio Peres həm çempionatda Şarl Lekleri qabaqlayıb, həm də komandasına mövsümdə 4-cü, tarixində isə 21-ci dublunu qazandırıb. Podiumun son pilləsinə Karlos Sayns çıxıb ki, bu, Ferrari-nin son 3 yarışda yeganə podiumu olub.

Mübarizə 1 həftə sonra çempionatın liderlinin vətənində – Niderlandda baş tutacaq…

* – Şarl Leklerin pit yolunda sürət həddini aşdığı üçün nəticəsinə 5 saniyə əlavə edilib

Sürətli dövrə: Maks Ferstappen (Red Bull) – 1:49.354 (32-ci dövrə, 230.575 km/s)

MÜBARİZƏNİ DAYANDIRANLAR:

SÜRÜCÜLƏRİN ÇEMPİONATI:

Yer	N	Sürücü	Ölkə	Komanda	Xal
1	1	Maks Ferstappen		Red Bull Racing	284
2	11	Serxio Peres		Red Bull Racing	191
3	16	Şarl Lekler		Scuderia Ferrari	186
4	55	Karlos Sayns		Scuderia Ferrari	171
5	63	Corc Rassell		Mercedes-AMG Petronas F1 Team	170
6	44	Lyuis Həmilton		Mercedes-AMG Petronas F1 Team	146
7	4	Lando Norris		McLaren Racing	76
8	31	Esteban Okon		Alpine F1 Team	64
9	14	Fernando Alonso		Alpine F1 Team	51
10	77	Valtteri Bottas		Alfa Romeo F1 Team ORLEN	46
11	10	Kevin Maqnussen		Haas F1 Team	22
12	5	Sebastyan Fettel		Aston Martin Aramco Cognizant F1 Team	20
13	3	Daniel Rikkardo		McLaren Racing	19
14	20	Pyer Qasli		Scuderia AlphaTauri	18
15	47	Mik Şumaxer		Haas F1 Team	12
16	22	Yuki Tsunoda		Scuderia AlphaTauri	11
17	24	Quanyu Çjou		Alfa Romeo F1 Team ORLEN	5
18	23	Aleksander Elbon		Williams Racing	4
19	18	Ləns Stroll		Aston Martin Aramco Cognizant F1 Team	4

MÜHƏNDİSLƏR KUBOKU: