F-1.az bildirir ki, hələ iki ay əvvəl komandalar Qran Pri üçün təkər seçimi edərkən ənənəvi hava şəraitinə əsaslanmışdılar, amma bugünkü məşqlərdə isti qızmar günəş altında təkərlərin yeyilmə səviyyəsi proqnozlardan yüksək olub, ona görə də komandalar əsas işi təkərlərin optimal işləməsi üçün sazlanma axtarışından ibarət olub.
Lyuis Həmilton artıq 14-cü dövrədən sonra ən bərk Medium təkərlərin yeyilməsindən gileylənib, digər təkərlər isə daha tez sıradan çıxıblar. Sürücülər işlənmiş SuperSoft təkərlərlə dolu yanacaq çəni ilə yarışın startını imitasiya etməyə çalışıblar – bir neçə dövrədən sonra temp hissolunacaq dərəcədə aşağı düşüb.
Sessiyanın 20-ci dəqiqəsində Virtual Təhlükəsizlik Maşını rejimi elan olunub – Colion Palmer motorun gücünün itməsi barədə mühəndislərə xəbər verib. Mühəndislər sürücüyə sistemi söndürüb yenidən işə salmağı məsləhət görüblər. Palmer boksa qayıdıb, kiçik fasilədən sonra isə işinə davam edə bilib. Bottasın maşınında idarəetmə bloku dəyişdirildiyi üçün finlandiyalı sürücü sessiyanın ilk yarısını itirib.
Mercedes AMG komandasının sürücüləri qırmızı təkərlərlə trasa çıxmayıblar, ona görə də protokollara maks Ferstappen başçılıq edib – 1:48.085. Sabah məşqlər davam edəcək…
| Yer | N | Sürücü | Komanda | Zaan | Fərq | Dövrə |
| 1 | 33 | Maks Ferstappen | Red Bull | 1:48.085 | – | 27 |
| 2 | 3 | Daniel Rikkardo | Red Bull | 1:48.341 | + 0:00.256 | 27 |
| 3 | 27 | Niko Hülkenberq | Force İndia | 1:48.657 | + 0:00.572 | 30 |
| 4 | 5 | Sebastyan Fettel | Ferrari | 1:49.023 | + 0:00.938 | 27 |
| 5 | 11 | Serxio Peres | Force İndia | 1:49.100 | + 0:01.015 | 27 |
| 6 | 6 | Niko Rosberq | Mercedes AMG | 1:49.161 | + 0:01.076 | 33 |
| 7 | 7 | Kimi Rəykkönen | Ferrari | 1:49.244 | + 0:01.159 | 30 |
| 8 | 8 | Roman Qrojan | Haas | 1:49.419 | + 0:01.334 | 20 |
| 9 | 22 | Censon Batton | McLaren | 1:49.419 | + 0:01.334 | 23 |
| 10 | 21 | Esteban Qutyerres | Haas | 1:49.648 | + 0:01.563 | 23 |
| 11 | 94 | Paskal Verlyayn | Manor | 1:49.716 | + 0:01.631 | 31 |
| 12 | 14 | Fernando Alonso | McLaren | 1:49.772 | + 0:01.687 | 30 |
| 13 | 44 | Lyuis Həmilton | Mercedes AMG | 1:49.782 | + 0:01.697 | 33 |
| 14 | 26 | Daniil Kvyat | Toro Rosso | 1:49.916 | + 0:01.831 | 25 |
| 15 | 9 | Markus Eriksson | Sauber | 1:50.083 | + 0:01.998 | 27 |
| 16 | 77 | Valtteri Bottas | Williams | 1:50.151 | + 0:02.066 | 19 |
| 17 | 19 | Felipe Massa | Williams | 1:50.157 | + 0:02.072 | 29 |
| 18 | 55 | Karlos Sayns | Toro Rosso | 1:50.194 | + 0:02.109 | 25 |
| 19 | 20 | Kevin Maqnussen | Renault | 1:50.375 | + 0:02.290 | 34 |
| 20 | 30 | Colion Palmer | Renault | 1:50.562 | + 0:02.477 | 32 |
| 21 | 31 | Esteban Okon | Manor | 1:50.659 | + 0:02.574 | 25 |
| 22 | 12 | Felipe Nasr | Sauber | 1:50.719 | + 0:02.634 | 24 |
