F-1.az xəbər verir ki, Markus Eriksson sessiyanın yarısını maşın problemləri üzündən buraxmalı olub. Stoffel Vandorn da gözləməli olub – mexaniklər hidravlik problemi aradan qaldırıblar.
Komandalar ənənəvi proqram üzrə işləyiblər – mühəndislər və sürücülər optimal sazlanmaları axtarmaqla uzun dövrələr seriyasında müxtəlif təkər tərkiblərinin effektivliyini qiymətləndiriblər. Reqlamentdə üçüncü tərkibin də bir yarışa gətirilməsi strategiya faktorunu həlledici edib. Əvvəlki sessiyada və ikinci sessiyanın ilk yarısında sürücülər Medium və Soft-la işlədikdən sonra SuperSoft-a keçiblər.
Sessiyanın sonuna 15 dəqiqə qalmış Fettel maşınını təhlükəsizlik zonasında saxlayıb, virtual təhlükəsizlik maşını rejimi elan olunub – Fettel marşallarla birlikdə maşını baryerlərin arxasına itələyib və komandaya bildirib ki, arxa sol təkər yaxşı bərikdilməyibmiş.
İkinci dəfə sürətlərin məhdudlaşdırılmasına Qrojan səbəb olub: Barselona testlərində olduğu kimi, yenə də Haas maşınının ön qanadı qırılıb. Roman boksa özü gəlib, bir neçə dəqiqəyə qırıtılar trasdan təmizlənib.
Protokollara isə yenə də Niko Rosberq başçılıq edib, günün ən böyük məsafəsini isə Valtteri Bottas qət edib. Sabah məşqlər davam edəcək…
| Yer | N | Sürücü | Komanda | Zaman | Fərq | Dövrə |
| 1 | 6 | Niko Rosberq | Mercedes AMG | 1:31.001 | – | 38 |
| 2 | 44 | Lyuis Həmilton | Mercedes AMG | 1:31.242 | + 0:00.241 | 32 |
| 3 | 22 | Censon Batton | McLaren | 1:32.281 | + 0:01.280 | 32 |
| 4 | 33 | Maks Ferstappen | Toro Rosso | 1:32.406 | + 0:01.405 | 31 |
| 5 | 7 | Kimi Rəykkönen | Ferrari | 1:32.452 | + 0:01.451 | 38 |
| 6 | 5 | Sebastyan Fettel | Ferrari | 1:32.650 | + 0:01.649 | 26 |
| 7 | 26 | Daniil Kvyat | Red Bull | 1:32.703 | + 0:01.702 | 34 |
| 8 | 77 | Valtteri Bottas | Williams | 1:32.792 | + 0:01.791 | 39 |
| 9 | 3 | Daniel Rikkardo | Red Bull | 1:32.870 | + 0:01.869 | 23 |
| 10 | 19 | Felipe Massa | Williams | 1:32.873 | + 0:01.872 | 36 |
| 11 | 47 | Stoffel Vandorn | McLaren | 1:32.999 | + 0:01.998 | 30 |
| 12 | 21 | Esteban Qutyerres | Haas | 1:33.129 | + 0:02.128 | 31 |
| 13 | 55 | Karlos Sayns | Toro Rosso | 1:33.177 | + 0:02.176 | 36 |
| 14 | 8 | Roman Qrojan | Haas | 1:33.384 | + 0:02.383 | 23 |
| 15 | 11 | Serxio Peres | Force İndia | 1:33.406 | + 0:02.405 | 35 |
| 16 | 20 | Kevin Maqnussen | Renault | 1:33.447 | + 0:02.446 | 34 |
| 17 | 27 | Niko Hülkenberq | Force İndia | 1:33.570 | + 0:02.569 | 37 |
| 18 | 30 | Colion Palmer | Renault | 1:33.640 | + 0:02.639 | 35 |
| 19 | 94 | Paskal Verlyayn | Manor | 1:33.953 | + 0:02.952 | 21 |
| 20 | 9 | Markus Eriksson | Sauber | 1:34.224 | + 0:03.223 | 31 |
| 21 | 12 | Felipe Nasr | Sauber | 1:34.477 | + 0:03.476 | 34 |
| 22 | 88 | Rio Haryanto | Manor | 1:34.562 | + 0:03.561 | 33 |
