Quru. Buludlu. Havanın temperaturu +19°-20° C, trasın temperaturu +20°-21° C

Nahardan sonra Silverstounda hava yaxşılaşıb – səmanın üzünü hələ buludlar tutsa da, yağış tam dayanıb, asfalt quruyub: sürücülər əvvəlcə trasa keçid təkərlərlə çıxıblar, daha sonra isə növbə sliklərə çatıb.

Sessiyanın startından 22 dəqiqə sonra Felipe Massa Stowe döngəsində qəzaya uğrayıb – ardıcıl üçüncü uik-end braziliyalı sürücü üçün qəzasız ötüşmür.

Komandalar nahara qədər itirdikləri vaxtı kompensə etməyə çalışıblar – sürücülər müxtəlif proqramar üzrə Britaniyaya gətirdikləri yenilikləri yoxlayıblar.

Protokollara niko rosberq başçılıq edib – 1:32.248, ilk altılıq bir saniyəyə yerləşib.

Nəticələr belə olub:

Yağış. Buludlu. Havanın temperaturu +15°-17° C, trasın temperaturu +15°-17° C

Hava proqnou nahardan sonra havanın yaxşılaşmasını vəd etsə də, əksinə, yağış elə güclənib ki, hətta trasın drenaj sistemi də onun öhdəsindən gələ bilməyib – asfalt üzərində böyük gölməçələr əmələ gəlib və sürücülər bokslarında vəziyyətin yaxşılaşmasını gözləməli olublar.

Komandalar isə yenə də mərhələyə gətirdikləri yeniliklərin effektliyini qiymətləndirə bilməyiblər. Sessiyanın ortasında yağış bir qədər zəifləyib, Kobayaşi trasa çıxan ilk sürücü olub. 15 dəqiqə sonra Senna ciddi qəzaya uğrayıb. Sessiyanın sonunda isə Alonso baryerlərlə toqquşmadan qurtula bilməyib.

Protokollara isə Lyuis Həmilton başçılıq edib – 1:56.345. Sabah sıralanma turunun da yağışlı olması gözlənilir…

Nəticələr belə olub:

Kiçik fasilələrlə yağış. Buludlu. Havanın temperaturu +16° C, trasın temperaturu +18° C

Britaniya uik-endinə komandalar çoxlu yeniliklər hazırlamışdılar – hamı sorucu diffuzorlara tətbiq olunan məhdudiyyətlər üzündən asfalta yatma qüvvəsinin itkisini kompensə etməyə çalışırdı. Komandalar cümə sərbəst yürüşlərində yenilikləri test etməyi düşünürdülər.

Səhər sürücülər nəm trasda işləmişdilər, amma sessiyanın sonunda gün çıxmışdı. Lakin nahardan sonra daha bir güclü yağış komandaların planlarını pozub.

Sauber-in mexanikləri Kobayaşinin maşının bərpa ediblər, amma yaponiyalı sürücü bir dövrə vuraraq sistemləri yoxlayıb və boksa qayıdıb – havanın yaxşılaşmasını gözləyib.

Yağış sessiyanın sonuna 45 dəqiqə qalmış dayanıb, sürücülər əvvəlcə yağış təkərləri ilə, sonra isə keçid təkərləri ilə trasda işləyiblər, ona görə də aerodinamik yeniliklərin effektliyini qiymətləndirmək mümkün olmayıb.

Son dəqiqələrdə trayektoriya tam quruyub, sürətlər artıb, sürücülər birinci sətirdə bir-birilərini əvəz ediblər, sonda protokollara Felipe Massa başçılıq edib…

Nəticələr belə olub: