F-1.az xatırladır ki, yeni zelandiyalı sürücü 18 yaşında Formula1-də yarışmaq fürsəti tapmış və Red Bull-la testlərə çıxmışdı. Gənc sürücü bir neçə il Red Bull və Toro Rosso komandalarının ehtiyat sürücüsü olmuşdu.
Brendon Hartli: “Düzünü desəm, 2010-cu ildə Formula1-də yarışmaq üçün hazır deyildim. Əgər o dövrlər peletonda olsaydım, çox pis performans göstərərdim və əlimdəki ən böyük şansı itirərdim. Bir müddət başqa seriyalarda yarışıb təcrübə qazandım. Mənim üçün asan proses deyildi, amma nəhayət ki, buradayam və xoşbəxtəm. Hər sürücü kimi mənim də xəyalım Formula1-də yarışmaq idi və buna doğru zamanda nail oldum. İndi isə özümü göstərmək vaxtıdır”.
