F-1.az xatırladır ki, Niko Hülkenberq Çin və Bəhreyn yarışlarına 7-ci yerdən başlasa da, Şanxayda 12-ci, Saxirdə isə 9-cu yeri tutmuşdu.
Bob Bell: “Sözün açığı, hansı yöndə geridə olduğumuzu bilirik və onun üzərində işləyəcəyik. Təkərləri bütün şərtlərdə tam performansla işlətməliyik. Bundan başqa aerodinamik cəhətdən də çatışmazlıqlarımız var. Amma bunları həll etmək çətin deyil. Nələr edəcəyimizi bilirik və ən qısa müddətdə hərtərəfli yeniliklər edəcəyik. Beləliklə, orta qrupda daha güclü ola bilərik. İlk məqsədimiz sıralanma turu və yarış tempi arasındakı fərqi minimuma endirmək olacaq. Sıralanma tempində çox sürətliyik, amma bunu yarışlara əks etdirə bilmirik. Bir il əvvəlkinə nisbətən əla işlər görmüşük. Amma hələ də istədiyimiz yerdə olmasaq da, məqsədimizə çatmaq üçün əlimizdən gələni edirik. Şassinin performansını artırsaq, bolid daha yaxşı performans göstərəcək”
