İkinci məşq sessiyası ilə yanaşı, dünən keçirilən üçüncü məşqlər və sıralanma turu da quru havada baş tutmuşdu.
F-1.az avtodromun rəsmi saytına istinadən xəbər verir ki, sürücülər yerli saatla 15:10-da isinmə dövrəsinə yollanacaqlar. Bu vaxt hava buludsuz və günəşli olacaq, termometrlər +24 dərəcəni göstərəcklər. Mülayim şimal-şərq küləyi əsəcək. Yağıntı gözlənilmir.
Xatırladaq ki, keçənilki Avstriya Qran Prisi zamanı havanın istiliyi +33 dərəcəyə qalxdığından, komandalar mühərriklərin gücünü məhdudlaşdırmalı olmuşdular, bu da öz növbəsində nəticələrə təsir etmişdi. Bu dəfə belə problem olmamalıdır.
