Avstriya-2017: Güc qurğusunun elementləri

Xatırladırıq ki, çempionatda turbo eranın başlamasından sonra güc qurğuları altı elementə bölünüblər: İCE – daxili yanma mühərriyi, TC – turboqovucu və ya turbin, MGU-K və MGU-H generatorları, ES – rekuperasiya sisteminin akkumulyatoru və CE – elektron idarəetmə bloku. Mövsümün gedişində bu elementlərdən hər birindən cəriməsiz yalnız 4 ədəd istifadə etmək olar.

F-1.az federasiyanın rəsmi saytına istinadən xəbər verir ki, artıq iki sürücünün maşınında 7-ci elementlər quraşdırılıb. Qələbəyə əsas namizədlərdən biri olan Sebastyan Fettelin maşınında və Colion Palmerin maşınında isə artıq sonuncu turbin çalışacaq.