F-1.az bildirir ki, trasda olan sürücülər sürüşməyə başlayıblar – Kimi Rəykkönen 5-ci döngədə, Serxio Peres isə 8-ci döngədə trasdan çıxıblar. Yağış gücləndiyi üçün sürücülər sürətlərini tam azaldaraq boksa qayıtmalı olublar. Batton ilk cəhdindən pit-leynə dönə bilməyib, sulu asfaltda maşın kənara sürüşüb. Palmer də yerində fırlanıb, amma yekunda hamı sağ-salamat boksa çata bilib.
Start düzlüyündə gur sulu çay əmələ gəlib, komandalar və sürücülər vəziyyətin normallaşmasını gözləməli olublar. 15 dəqiqədən sonra yağış yavaşıyıb, yarım saatdan sonra sürücülər trasa çıxmağa başlayıblar – birinci Rikkardo keçid təkərlərlə boksu tərk edib.
Ferstappen 9-cu döngədə fırlanıb, Rikkardo və Hülkenberq təhlükəsizlik zonalarına səyahət ediblər. Tras quruduğu üçün son 20 dəqiqədə sürücülər sliklərə keçiblər.
Mühəndisi Qutyerresi xəbərdar edib ki, Həmiltonu buraxması üçün sürətini azaltmalıdır, amma Esteban mühəndisini düzgün başa düşmədiyi üçün Lyuis toqquşmadan son anda qurtula bilib.
Sessiyanın sonunda Fettel 2-ci döngədə əylənmədə maşına nəzarəti itirərək çınqıllı sahəyə çıxıb və orada qalıb.
Nahardan əvvəl olduğu kimi, protokollara Niko Rosberq başçılıq edib, amma səhər göstərdiyi nəticəyə uduzub. Sabah məşqlər davam edəcək…
| Yer | N | Sürücü | Komanda | Zaman | Fərq | Dövrə |
| 1 | 6 | Niko Rosberq | Mercedes AMG | 1:07.967 | – | 25 |
| 2 | 44 | Lyuis Həmilton | Mercedes AMG | 1:07.986 | + 0:00.019 | 19 |
| 3 | 27 | Niko Hülkenberq | Force İndia | 1:08.580 | + 0:00.613 | 28 |
| 4 | 5 | Sebastyan Fettel | Ferrari | 1:08.589 | + 0:00.622 | 25 |
| 5 | 3 | Daniel Rikkardo | Red Bull | 1:08.649 | + 0:00.682 | 30 |
| 6 | 55 | Karlos Sayns | Toro Rosso | 1:08.713 | + 0:00.746 | 32 |
| 7 | 33 | Maks Ferstappen | Red Bull | 1:08.761 | + 0:00.794 | 20 |
| 8 | 7 | Kimi Rəykkönen | Ferrari | 1:08.820 | + 0:00.853 | 23 |
| 9 | 77 | Valtteri Bottas | Williams | 1:08.941 | + 0:00.974 | 24 |
| 10 | 22 | Censon Batton | McLaren | 1:08.994 | + 0:01.027 | 30 |
| 11 | 14 | Fernando Alonso | McLaren | 1:09.075 | + 0:01.108 | 26 |
| 12 | 19 | Felipe Massa | Williams | 1:09.184 | + 0:01.217 | 17 |
| 13 | 26 | Daniil Kvyat | Toro Rosso | 1:09.207 | + 0:01.240 | 26 |
| 14 | 11 | Serxio Peres | Force İndia | 1:09.226 | + 0:01.259 | 32 |
| 15 | 20 | Kevin Maqnussen | Renault | 1:09.525 | + 0:01.558 | 19 |
| 16 | 30 | Colion Palmer | Renault | 1:10.020 | + 0:02.053 | 23 |
| 17 | 94 | Paskal Verlyayn | Manor | 1:10.034 | + 0:02.067 | 20 |
| 18 | 21 | Esteban Qutyerres | Haas | 1:10.138 | + 0:02.171 | 16 |
| 19 | 9 | Markus Eriksson | Sauber | 1:10.140 | + 0:02.173 | 19 |
| 20 | 8 | Roman Qrojan | Haas | 1:10.400 | + 0:02.433 | 31 |
| 21 | 12 | Felipe Nasr | Sauber | 1:10.444 | + 0:02.477 | 22 |
| 22 | 88 | Rio Haryanto | Manor | 1:11.328 | + 0:03.361 | 25 |
