Quru. Günəşli. Havanın temperaturu +24°-25° C, trasın temperaturu +32°-36° C

Bu il komandaların ixtiyarıma əlavə təkər dəsti verilib – bu dəstlə komandalar birinci sərbəst yürüşlərin ilk yarım saatında işləyə bilərlər, ona görə də sessiya çox aktiv başlayıb. Amma artıq elə birinci dövrəsindəcə Lyuis Həmilton trasda dayanıb – güc qurğusunun təzyiqölçən cihazında problemlər yaşanıb. Fettel də əlavə təkərlərlə işləyə bilməyib – mexaniklər onun maşınını yığıb qurtara bilməmişdilər.

Demək olar ki, trasda olan bütün sürücülər səhvə yol veriblər, amma ciddi insident yaşanmayıb. Sessiyanın sonunda Pastor Maldonadonun Lotus-unda əyləclər bloka düşüb və o, trasdan çıxıb. Venesuelalı sürücü baryerlərə toxunmaqdan qurtula bilib, amma motor sönüb. Onun komanda yoldaşı Roman Qrojanın bəxti heç gətirməyib – fransalı sürücü boksu tərk etməyib.

Caterham-də də vəziyyət yaxşı olmayıb: hər iki sürücü cəmi bir dövrə vura bilib və bir daha boksdan çıxmayıblar. Kobayaşinin maşınında yanacaq sistemi, Eriksonun maşınında isə batareya sıradan çıxıb. Marussia-nın sürücüləri də az məsafə qət ediblər. Sebastyan Fettel isə bir neçə dövrə vura bilib və yeddinci nəticəni göstərib.

Mövsümün ilk rəsmi protokollarına Fernando Alonso başçılıq edib, onun nəticəsi keçənilki nəticədən xeyli geri qalıb…

Nəticələr belə olub:

Quru. Günəşli. Havanın temperaturu +22°-23° C, trasın temperaturu +29°-31° C

Gözlənildiyinin tam əksinə olaraq, Avstraliya Qran Prisi əla hava ilə başlayıb – trasa günəş nur saçıb və yağış yağmayıb. Trasa ilk olaraq Daniel Rikkardo çıxıb, amma dövrəni başa vurmayaraq boksa qayıdıb. Digər sürücülər də eyni addımı atıblar. Sessiyanın ilk yarım saatı heç kim sürətli dövrə atmayıb və yalnız 38-ci dəqiqədə mövsümün ilk nəticəsini Rikkardo göstərib

Tezliklə sürücülər bir-birinin ardınca trasa tələsiblər. Uzun müddət böyük fərqlə Kimi Rəykkönen protokollara başçılıq edib, amma sonra ənənəvi liderlər: Ferrari və Red Bull öz sözlərini deyiblər. Mövsümün ilk rəsmi protokollarına Sebastyan Fettel başçılıq edib – 1:27.211, Felipe Massa öz komanda yoldaşı Fernando Alonsonun önündə ikinci olub, Mercedes AMG-nin yeni sürücüsü Lyuis Həmilton dördüncü nəticə göstərib. Onun keçmiş McLaren komandasının sürücüləri isə sürətləri ilə fərqlənməyiblər – Batton 9-cu, Peres isə 11-ci olub.

Ümumən sürpriz baş verməyib – autsayderlər də elə keçən il olanlardır…

Nəticələr belə olub:

Qurumaqda olan tras, sessiyanın sonunda quru tras. Buludlu. Havanın temperaturu +21° C, trasın temperaturu +23° C

Formula1 üzrə 63-cü dünya çempionatı Melburnun Albert Park avtodromunda start alıb. Sinpotiklər haqlı olublar – birinci məşqlər nəm trasda baş tutub. Sessiyadan əvvəl yağmış yağış kəssə də, sürücülər ilk 45 dəqiqəni aktiv olmayıblar.

Elə ilk dəqiqələrdə Narain Kartikeyanın maşınında motorun soyuducu mayesinin temperaturu qalxıb və elektronika təhlükəsizlik baxımından motoru söndürüb.

Sliklərə birinci olaraq Sauber komandası keçib və Kamui Kobayaşi uzun müddət protokollara başçılıq edib. Sonra yaponiyalı sürücünü Mixael Şumaher, daha sonra isə McLaren sürücüləri sıxışdırıblar. Sonda Censon Batton birinci olub.

Nəticələr belə olub:

Quru. Buludlu. Havanın temperaturu +16° C, trasın temparaturu +22° C

Mark Uebber yeni mövsümün ilk rəsmi sessiyasında protokollara başçılıq edib. Ev trasında avstraliyalı sürücü RB7-nin sükanı araxsında öz komanda yoldaşı, sonuncu dünya çempionu Sebastyan Fetteli qabaqlaya bilib. Üçüncü olmuş Fernando Alonso Marka 1 saniyə uduzub.

Sessiya qəza ilə başlayıb: boksdan təzəcə çıxmış Karun Çandhok yeni Team Lotus maşınını üçüncü döngənin çıxışında ram edə bilməyib və divara çırpıb – qəza sürücünün səhvi üzündən baş verib.

Hər bir komanda öz proqramı üzrə işləyib. Sürücülər yeni Pirelli təkərlərini, arxa antiqanadın hərəkətli elementini və KERS-i işdə yoxlayıblar. McLaren hamının gözlədiyinin əksinə olaraq, yaxşı təsir bağışlayıb, Mercedes GP isə ümidləri doğruldub. Lotus Renault GP sürücüləri yaxşı nəticə göstərə bilməyiblər.

Hamı Hispania komandasının debüt etməsini gözləsə də bu baş verməyib – komanda maşınlardan birini nahardan sonra trasa çıxarmağı planlaşdırır. Marussi Virgin komandasının sürücüləri isə “107%” intervalına sığmayıblar.

Nahardan sonra kiçik yağış gözlənilir…

Nəticələr belə olub: