F-1.az xatırladır ki, ilk və üçüncü məşqlərdə Maks Ferstappen, yağışın da təsir göstərdiyi ikinci məşqlərdə isə Fernando Alonso protokollara başçılıq edib.
Pirelli buraya orta üçlüyü – C2, C3 və C4 tərkibləri gətirib.
İlk sessiyada hamı soft təkərlərlə mübarizəyə başlayıb. Sarcent 6-cı dəqiqədə yerində fırlanaraq trasdan çıxsa da, hərəkətinə davam edə bilib. Bir dəqiqə sonra isə Peres əylənmədə səhvə yol verərək trasdan çıxıb və maşın çınqıllıqda ilişib qalıb. Sessiya qırmızı bayraqlarla dayandırılıb. Mübarizə Serxio üçün başa çatıb. Fasilə 8 dəqidə davam edib. Ferstappen 1:17.384 ilə ən sürətli nəticəni göstərib. Pereslə yanaşı, Bottas, Sasrcent, Piastri və Çjou da mübarizəni dayandırıb.
İkinci Sessiyada Maks trasa çıxmaqda ləngisə də, çox əla pilotajlıq nümayiş etdirib. Sessiya ərzində ciddi hadisə baş verməyib. İlk onluğa düşmək uğrunda gərgin mübarizə olub və buradan de Friz, Maqnussen, Norris, Tsunoda və Okon məğlub ayrılıblar.
Son sessiyada ilk cəhdlərdən sonra Həmilton cüzi fərqlə irəlidə olsa da, Maks ikinci cəhddə böyük üstünlüyə sahib olub – 1:16.732. Onunla yanaşı, 77 saniyədən daha sürətli nəticəni yalnız Corc Rassell göstərə bilib və tıxaca düşmüş komanda yoldaşını qabaqlayıb.
Maks Ferstappen mövsümdə ikinci, karyerasında isə 22-ci poulunu qazanıb. Sabahkı yarışa onun yanından Corc Rassell başlayacaq. İkinci cərgədə Lyuis Həmilton və Fernando Alonso, üçüncü cərgədə isə Karlos Sayns və Ləns Stroll qərarlaşacaqlar.
Bizi çox maraqlı yarış gözləyir…
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 1 | Maks Ferstappen | Red Bull | 1 | 1:17.384 | 9 | 1 | 1:17.056 | 7 | 1:16.732 | 6 |
| 2 | 63 | Corc Rassell | Mercedes | 2 | 1:17.654 | 11 | 6 | 1:17.513 | 10 | 1:16.968 | 8 |
| 3 | 44 | Lyuis Həmilton | Mercedes | 3 | 1:17.689 | 10 | 7 | 1:17.551 | 10 | 1:17.104 | 8 |
| 4 | 14 | Fernando Alonso | Aston Martin | 5 | 1:17.832 | 11 | 2 | 1:17.283 | 7 | 1:17.139 | 8 |
| 5 | 55 | Karlos Sayns | Ferrari | 7 | 1:17.928 | 10 | 3 | 1:17.349 | 10 | 1:17.270 | 8 |
| 6 | 18 | Ləns Stroll | Aston Martin | 6 | 1:17.873 | 11 | 9 | 1:17.616 | 9 | 1:17.308 | 6 |
| 7 | 16 | Şarl Lekler | Ferrari | 11 | 1:18.218 | 9 | 4 | 1:17.390 | 9 | 1:17.369 | 7 |
| 8 | 23 | Aleksander Elbon | Williams | 8 | 1:17.962 | 12 | 10 | 1:17.761 | 9 | 1:17.609 | 6 |
| 9 | 10 | Pyer Qasli | Alpine | 13 | 1:18.312 | 9 | 8 | 1:17.574 | 8 | 1:17.675 | 8 |
| 10 | 27 | Niko Hülkenberq | Haas | 9 | 1:18.029 | 10 | 5 | 1:17.412 | 9 | 1:17.735 | 7 |
| 11 | 31 | Esteban Okon | Alpine | 4 | 1:17.770 | 10 | 11 | 1:17.768 | 8 | ||
| 12 | 22 | Yuki Tsunoda | AlphaTauri | 15 | 1:18.471 | 12 | 12 | 1:18.099 | 10 | ||
| 13 | 4 | Lando Norris | McLaren | 12 | 1:18.243 | 13 | 13 | 1:18.119 | 11 | ||
| 14 | 20 | Kevin Maqnussen | Haas | 10 | 1:18.159 | 10 | 14 | 1:18.129 | 8 | ||
| 15 | 21 | Nik de Friz | AlphaTauri | 14 | 1:18.450 | 12 | 15 | 1:18.335 | 11 | ||
| 16 | 81 | Oskar Piastri | McLaren | 16 | 1:18.517 | 12 | |||||
| 17 | 24 | Quanyu Çjou | Alfa Romeo | 17 | 1:18.540 | 12 | |||||
| 18 | 2 | Loqan Sarcent | Williams | 18 | 1:18.557 | 12 | |||||
| 19 | 77 | Valtteri Bottas | Alfa Romeo | 19 | 1:18.714 | 12 | |||||
| 20 | 11 | Serxio Peres | Red Bull | 20 | – | 2 | |||||
