F-1.az xəbər verir ki, bu dəfə trasa birinci daniel Rikkardo çıxıb – avstraliyalı sürücü azarkeşlərin gözləri önündə trasın vəziyyətini keçid təkərlərlə qiymətləndirib. Onun ardınca Rosberq, Kvyat və Sayns da trasa tələsiblər – xatırladaq ki, ispaniyalı sürücü nahardan əvvəl maşında yaranmış yanacaq sistemindəki problem üzündən trasa çıxa bilməmişdi.
İlk yarım saatın sonunda Rosberq 8-ci döngədə səhvə yol verib – maşın qoruyucu baryerlərə çırpılıb. Zədələnmiş ön qanadla boksa qayıtmağa çalışan Nikoya komandadan dayanmaq əmri gəlib – Mercedes AMG-yə isə bunu FİA əmr edib. Virtual Təhlükəsizlik Maşını (VSC) rejimi elan olunub – maşının təxliyyəsi bir neçə dəqiqə çəkib.
Sessiyanın ortasında asfalt quruduğundan nəticələr yaxşılaşmağa başlayıb – amma sürücülər sliklərə keçməyə macal tapmayıblar. Yenidən başlayan yağış faktiki olaraq sessiyaya son qoyub.
Sauber komandası, ümumiyyətlə, trasa çıxmayıb, Maks Ferstappen də boksu tərk etməyib. Bu gün komandalar sazlanmalarla işləyə bilməyiblər. Sabah səhər birsaatlıq məşq zamanı komandalar bunu etməyə çalışacaqlar – amma hava proqnozu yenə də yağış vəd edir.
Səhər olduğu kimi, protokollara Lyuis Həmilton başçılıq edib, Manor sürücüləri isə ən çox məsafə qət ediblər…
| Yer | N | Sürücü | Komanda | Zaman | Fərq | Dövrə |
| 1 | 44 | Lyuis Həmilton | Mercedes AMG | 1:38.841 | – | 7 |
| 2 | 27 | Niko Hülkenberq | Force İndia | 1:39.308 | + 0:00.467 | 8 |
| 3 | 7 | Kimi Rəykkönen | Ferrari | 1:39.486 | + 0:00.645 | 7 |
| 4 | 3 | Daniel Rikkardo | Red Bull | 1:39.535 | + 0:00.694 | 9 |
| 5 | 55 | Karlos Sayns | Toro Rosso | 1:39.694 | + 0:00.853 | 16 |
| 6 | 14 | Fernando Alonso | McLaren | 1:39.895 | + 0:01.054 | 16 |
| 7 | 22 | Censon Batton | McLaren | 1:40.008 | + 0:01.167 | 13 |
| 8 | 5 | Sebastyan Fettel | Ferrari | 1:40.761 | + 0:01.920 | 7 |
| 9 | 11 | Serxio Peres | Force İndia | 1:41.256 | + 0:02.415 | 8 |
| 10 | 26 | Daniil Kvyat | Red Bull | 1:42.411 | + 0:03.570 | 10 |
| 11 | 21 | Esteban Qutyerres | Haas | 1:42.891 | + 0:04.050 | 10 |
| 12 | 94 | Paskal Verlyayn | Manor | 1:43.401 | + 0:04.560 | 25 |
| 13 | 8 | Roman Qrojan | Haas | 1:43.731 | + 0:04.890 | 8 |
| 14 | 88 | Rio Haryanto | Manor | 1:44.304 | + 0:05.463 | 22 |
| 15 | 6 | Niko Rosberq | Mercedes AMG | 1:47.356 | + 0:08.515 | 4 |
| 16 | 20 | Kevin Maqnussen | Renault | – | – | 2 |
| 17 | 30 | Colion Palmer | Renault | – | – | 5 |
| 18 | 19 | Felipe Massa | Williams | – | – | 2 |
| 19 | 77 | Valtteri Bottas | Williams | – | – | 2 |
| 20 | 9 | Markus Eriksson | Sauber | – | – | – |
| 21 | 12 | Felipe Nasr | Sauber | – | – | – |
| 22 | 33 | Maks Ferstappen | Toro Rosso | – | – | – |
