F-1.az xəbər verir ki, Audi Formula Racing-in baş icraçı direktoru Adam Beyker bildirib ki, şirkət Almaniyanın Noyburq şəhərindəki baza üçün fəal şəkildə işçi qəbul edir və artıq digər Formula1 komandalarından texniki işçiləri ovlamağa nail olub.
Adam Beyker: “F1 layihəsi Audi Sport-un Noyburqdakı transformasiyasında mühüm amildir. 200-ə yaxın yüksək ixtisaslı Audi Sport əməkdaşının Formula 1 proqramına keçməsi bizə böyük təkan verdi.
Audi və ya təchizatçılarımız üçün yerli avtomobil sənayesində çalışan bölgədə təxminən 1000 texniki işçiyə birbaşa çıxışımız var. Bununla belə, 2026-cı ildə rəqabət qabiliyyətini təmin etmək üçün biz öyrənmə mərhələsini mümkün qədər sürətləndirmək istəyirik. Strategiyamızın bir hissəsi aqressiv işə qəbul proqramıdır. Artıq 50-yə yaxın texniki ekspert, o cümlədən bəzi gələcək rəqiblərimizdən mütəxəssislər də bizə qoşulmuşdur.
İşə götürmə həmişə çətin olur və əgər işçilər ailələri ilə birlikdə başqa ölkəyə köçmək qərarına gələrsə, iş daha da çətinləşir. Biz bunu nəzərə almalıyıq. Ancaq vəziyyətə digər tərəfdən də baxmaq olar. Əgər işçi yaşayış yerini dəyişmədən başqa işəgötürənlə anlaşa bilirsə, o zaman işçi heyətini itirmək riskləri xeyli yüksəkdir”.
