F-1.az xatırladır ki, bütün komandaların Bəhreydəki qış testlərində iş planı məlum olsa da, Aston Martin-də müəmmalıdır. Bunun da səbəbi Strollun qolunu qırmasıdır. Komanda testlərin ilk günündə səhər test sürücüsü Felipe Druqoviçlə, nahardan sonra isə Fernando Alonso ilə işləyib. Lakin sabah Alonsonun tək işləyəcəyi ya da Druqoviçlə günü bölüşəcəyi hələ dəqiqləşməyib.
Mayk Krek: “Səhər sükan arxasına Felipe keçdi. Bunu komandanın xeyri üçün etdik, çünki bütün alternativləri dəyərləndirməliyik. Son iki gündə sükana kimin keçəcəyi ilə bağlı son qərarı verməmişik. Bunun üçün bir neçə saat vaxtımız var”.
