F-1.az xatırladır ki, Aprilia keçən il Gresini komandası ilə yenidən MotoGP-yə qayıdıb və təkmilləşdirilmiş ART motosikleti ilə mübarizə aparıb. Aprilla komandası 2016-cı il üçün yeni motosiklet hazırlayır.
MotoGP-də qış testləri gələn həftə Malayziyanın Sepanq trasında başlayacaq. Ancaq Aprilia komandasının sürücüləri Alvaro Bautista və Ştefan Bradl bu testlərdə yeni motosikleti sürə bilməyəcəklər.
Aprilia yeni motosikletini sonuncu qış testlərində trasa çıxaracaq. Bundan əvvəl isə fevralın əvvəllərində komandanın test sürücüsü Mike de Meclio Araqon trasında yeni motosikleti ilə qeyri-rəsmi test edəcək.
Aprilia komandası yeni motosikletini martın ilk günlərində Loseyldə keçiriləcək qış testlərində rəqiblərinin qarşısına çıxaracaq.
