Bir çox ekspert razılaşır ki, İsveçrə komandası Valtteri Bottasla müqaviləni uzada bilər, çünki bu mövsümdə Sauber-in hələ də xalı olmasa da, hamı başa düşür ki, 236 Qran Pri təcrübəsi olan təcrübəli finlandiyalı Quanyu Çjoudan daha yaxşı işləyir.
Bununla belə, indi Audi layihəsinə Mattia Binotto rəhbərlik edir və onun hansı məntiqə əsaslanacağı hələ məlum deyil. Hülkenberg də təcrübəlidir, buna görə də nəzəri olaraq, risk edib ikinci maşını daha gənc sürücüyə etibar etmək olar. Əgər İngolştadt şirkəti üçün Formula1-də Almaniyanı təmsil etdiyini vurğulamaq vacibdirsə, niyə də, məsələn, Mik Şumaxeri dəvət etməsinlər? Heç olmasa bir il üçün, onun potensialını real qiymətləndirmək olar.
F-1.az xəbər verir ki, namizədlər siyahısına Binottonun Ferrari-dən yaxşı tanıdığı Robert Şvartsman, həmçinin Formula2-nin fərdi hesabında 2-ci yeri tutan Qabriel Bortoletonun daxil olduğunu bildirmişdik, lakin perspektivli braziliyalı ilə müəyyən çətinliklər var – o, McLaren-in gənclər proqramına daxildir.
Nüfuzlu alman nəşri Auto Motor und Sport daha bir versiya irəli sürür, gözlənilməz olmasa da, öz növbəsində maraqlıdır: Audi həmçinin IndyCar-ın ikiqat çempionu, bu mövsümdə də Amerika seriyasında liderlik edən Aleks Palouya diqqət yetirir.
27 yaşlı ispan Chip Ganassi Racing komandasında çıxış edir və Formula1 maşınlarını idarə etmək təcrübəsi var: o, qısa müddət McLaren-in ehtiyat sürücüsü olub və bu komanda ilə özəl testlərdə işləyib.
Doğrudur, sonradan bu hekayə qalmaqallı xarakter aldı, çünki McLaren-in fikrincə, Palou müqavilə öhdəliklərini pozaraq əməkdaşlığı davam etdirməkdən imtina edib. Komanda ona qarşı məhkəmə iddiası qaldırıb, iddianın məbləği təsirli 30 milyon dollardır və araşdırma hələ başa çatmayıb.
McLaren Racing-in icraçı direktoru Zek Braunun sözlərinə görə, “Məhkəmə prosesi davam edir və o, sona çatdırılacaq, buna 100% əminəm. Ehtimal ki, o, yalnız gələn il başa çatacaq”.
Palounun istedadı və peşəkarlığına heç kim şübhə etmir, ABŞ-də o, əsl ulduzdur və bütün bunlar şübhəsiz ki, Audi-nin diqqətini cəlb edir, lakin McLaren-lə mübahisənin ona qarşı işləyə biləcəyini istisna etmək olmaz. Hər halda, bu fakt Aleksin nüfuzuna xələl gətirə bilər. Hərçənd, əlbəttə ki, o, Formula1 paddokunda görünsə və qaçılmaz olaraq Zük Braun ilə qarşılaşmalı olsa, bu öz növbəsində maraqlı olacaq.
