F-1.az xəbər verir ki, 4-cü yerdən start alan, lakin ötürmələr qutusundakı problemə görə yarışı yarımçıq saxlamalı olan Maks Ferstappen “Günün Sürücüsü” seçilib. O, bu ada ən çox layiq görülən pilotdur. Maks bu mövsüm daha əvvəl 6 dəfə – Red Bull ilə ilk yarışı olan və qalib gəldiyi İspaniyada, sonra isə Kanada, Avstriya, Britaniya, Malayziya və Yaponiya Qran Prilərində “Günün Sürücüsü” seçilib.
Ferstappendən başqa, Avstraliya və Bəhreyn yarışlarında Roman Qrojan, Çin Qran Prisində Daniil Kvyat, Rusiyada Kevin Maqnussen, Monakoda və Bakıda keçirilən Avropa Qran Prisində Serxio Peres, Macarıstan Qran Prisində Kimi Rəykkönen, Almaniya Qran Prisində Daniel Rikkardo, Belçika Qran Prisində Lyuis Həmilton, İtaliya Qran Prisində Niko Rosberq, Sinqapur Qran Prisində isə Sebastyan Fettel “Günün sürücüsü” seçilmişdilər.
Xatırladaq ki, bu seçim azarkeşlərin səsverməsinə əsasən edilir. Səsvermə yarışın gedişində Formula1-in rəsmi internet saytında (f1.com/vote) keçirilir.
