F-1.az xatırladır ki, almaniyalı sürücü son iki ildə çox qeyri-stabil performans göstərib.
Əntoni Devidson: “Sürdüyünüz maşının bu idmanda böyük təsiri var. Buna görə də konkret söz demək çətindir. Lakin ən yaxşı 5 sürücünü saysaq, Maks Ferstappen, Lyuis Həmilton və Şarl Lekler ən yaxşılardandır. Daha sonra Karlos Sayns gəlir. Artıq 4 nəfər var. Lando Norrisi də əlavə etsək, 5 sürücü tamamlanır.
Qeyri-stabil sürdü. Bəzi traslar ona uyğun idi. Bəlkə də, builki maşınlar ona daha uyğun olar. 2014-cü ildən etibarən idmana gələn böyük və ağır maşınlarda özünü yaxşı hiss etmirdi. Məncə, keçmişdəki ilə eyni sürücü deyildi. Ferrari-dəki ilk illərində tempi yaxşı olsa da, Red Bull-dakı o gözəl illərindən fərqli idi. Məncə, o dövrlərdəki yüngül və çevi maşınlar ona daha uyğun idi. Buna görə də onun builki maşınlardakı performansı mənə maraqlıdır”.
