Quru. Günəşli. Havanın temperaturu +30° C, trasın temparaturu +41° C

Bu gün yağış yağmayıb, asfalt tezliklə qızıb və komandalar sıralanma turuna və yarışa hazırlıqlarını tamamlaya biliblər.

Protokollara isə Red Bull sürücüləri başçılıq ediblər – birinci olmuş Sebastyan Fettel digər komandadan olan digər rəqibini yarım saniyə qabaqlayıb. İlk yeddi sürücü bir saniyəyə yerləşib, amma sıralanma turunda vəziyyət daha gərgin olacaq – asfaltın soyuması qüvvələr nisbətinə təsir edəcək…

Nəticələr belə olub:

Kiçik yağış. Buludlu. Havanın temperaturu +20° C, trasın temparaturu +22° C

Gecə yağan yağış sessiyanın əvvəlində dayanıb, trasda böyük gölməçələr olduğu üçün sürücülər trasa güclü yağış təkərləri ilə çıxıblar, asfalt sürüşkən olub.

Amma iyirmi dəqiqə sonra bütün komandalar keçid təkərlərinə keçiblər, son on dəqiqədə isə maşınlar kiçik yanacaq ehtiyatı ilə trasa çıxıblar. Ən yaxşı nəticəni Robert Kubitsa göstərib…

Nəticələr belə olub:

Quru. Günəşli. Havanın temperaturu +20° C, trasın temparaturu +30° C

Trasda ilk Qran Pri olmasına baxmayaraq, şənbə yürüşləri klassik senari üzrə keçib. Sürücülər sessiya başlayan kimi bir dövrə vuraraq bokslara qayıdıblar. 20 dəqiqə sonra sürücülər trasa bərk təkərlərlə çıxıblar və yalnız son 10 dəqiqəni sıralanma turu rejimində məşq ediblər.

Yeni trasın kifayət qədər uzun olmasına baxmayaraq, trafik bu gün hamıya mane olub, Həmilton və Alonso yavaş maşınların arxasında vaxt itiriblər, Fettel isə səhvə yol verib, trasdan çıxıb.

Ən yaxşı nəticəni isə Robert Kubitsa göstərib. Protokollarda ilk dörd sürücünü 0.1 saniyə ayırıb, sıralanma turu çox maraqlı olacaq…

Nəticələr belə olub:

Güclü yağış. Buludlu. Havanın temperaturu +20° C, trasın temparaturu +19° C

Səhər məşqlərə yağış mane olub. Trası su basıb, belə şəraitdə sürücülər yalnız bir dövrə vurub boksa qayıdıblar. Xayme Algersuari və Timo Qlok isə güclü yağış altında bir neçə dövrə vurublar, gənc ispaniyalı sürücü protokollara başçılıq edib.

Komandaların nümayəndələrinin fikrincə, yarışın direktoru Çarli Uaytinq sıralanma turunun sabah səhərə keçirilməsi üzərində ciddi düşünməlidir, çünki cənubdan Suzuka üzərinə yeni yağış buludları gəlir…

Nəticələr belə olub:

Yağışdan sonra qurumaqda olan tras. Havanın temperaturu +28° C, trasın temparaturu +27° C

Asfalt nəm olsa da, sürücülər sliklərlə işə başlayıblar və sessiyanın çox hissəsini Medium təkərlərlə keçiriblər, yalnız son 10 dəqiqədə SuperSoft tərkibi trasa çıxıb.

Sessiya ciddi insidentsiz ötüşüb, amma son dəqiqədə Bruno Sennanın maşını dayanıb və sürətli dövrədə olan sürücülər nəticələrini yaxşılaşdıra bilməyiblər – protokollara Sebastyan Fettel başçılıq edib…

Nəticələr belə olub:

Quru. Günəşli. Havanın temperaturu +24° C, trasın temparaturu +25° C

Monsada aydın səmalı günlər davam edir – isti hava və yağıntısız günlər. Səhər hava bir az soyuq olsa da, tədricən qızıb, amma komandalar nahardan sonra sıralanma turuna hazırlığı davam etdiriblər.

Hərçənd, sessiya problemsiz ötüşməyib. Felipe Massa ikinci Lesmo-da çınqıllı zolağa düşərək maşını baryerlərə çırpılmaqdan güclə qoruyub. Dünən olduğu kimi Mark Uebber yenə də trasda qalıb – sessiyanın sonuan 20 dəqiqə qalmış birinci eskanın çıxışında motor gücünü itirib.

Protokollara isə Lyuis Həmilton başçılıq edib, nəticələr çox sıx alınıb – ilk ob bir sürücü bir saniyəyə yerləşib…

Nəticələr belə olub:

Quru, sessiyanın sonunda yağış. Buludlu. Havanın temperaturu +14° C, trasın temparaturu +16° C

Sessiyadan əvvəl hava yaxşılaşıb, səhərki yağışdan sonra trayektoriya quruyub, günəş görünüb və sürücülər trasa tələsiblər.

Liutsinin maşınında nasazlıq müəyyən edilib, sessiyanın sonuna yaxın isə Fettelin maşını pit-leynin girəcəyində donub qalıb.

İlk 45 dəqiqəni quru asfaltda işləyən sürücülər kiçik yağışı gözləməli olublar. Ona görə də Uebberin göstərdiyi nəticə ən yaxşı qalıb.

Nəticələr belə olub:

Quru. Günəşli. Havanın temperatur +24° C, trasın temparaturu +35° C

Gecə yağan yağış asfaltdan işlənmiş rezin qatını yuyub aparıb, BMW Formulasının yarışından sonra isə birinci döngədən dördüncü döngəyə qədər trayektoriyaya marşallar adsorbent töküblər – yarış zamanı zədələnmiş maşınlardan biri bu yeri yağla doldurubmuş.

Vitantonio Liutsi maşındakı nasazlıqlar üzündən sessiyanı yarımçıq dayandırmalı olub. Ciddi insedentlər baş verməyib.

Protokollara isə Red Bul cütlüyü başçılıq edib – Mark Uebber gənc komanda yoldaşını qabaqlayıb…

Nəticələr belə olub:

Quru. Buludlu. Havanın temperatur +20° C, trasın temparaturu +28° C

Bütün gecəni yağış yağsa da, sessiyanın startına tras tam quruyub – sürücülər həm bərk tərkibləri, həm də yumşaq tərkibləri yoxlayıblar. SuperSoft tərkiblərində sıralanma turu imitasiya olunub.

Ciddi insident baş verməyib. Sessiyanın əvvəlində Adrian Sutilin maşınında ilişmə muftası sıradan çıxıb.

Dünən olduğu kimi ilk dördlüyü Red Bull və Ferrari sürücüləri zəbt ediblər, ən yaxşı nəticəni isə Sebastyan Fettel göstərib…

Nəticələr belə olub:

Quru. Buludlu. Havanın temperatur +22° C, trasın temparaturu +27° C

Sessiyanın əvvəlində Timo Qlokun maşınında problemlər yaşanıb, alman sürücü boksa qayıdıb. Sessiyanın sonunda isə Adrian Sutilin maşınında ötürmələr qutusu sıradan çıxıb. Fernando Alonso da sessiyanın sonunda trasa qayıtmayıb – mexaniklər maşının arxasını tam söküblər.

Sessiyanın sonunda Club və Abbey döngələri arasındakı düz yolda Fettelin maşınında ön antiqanad qırılıb, amma bundan əvvəl bərk təkərlərlə alman sürücünün göstərdiyi nəticəni yumşaq təkərlərlə heç kim üstələyə bilməyib…

Nəticələr belə olub:

Quru. Günəşli. Havanın temperatur +25° C, trasın temparaturu +35° C

Dünən ikinci sessiyada sürətlər nə qədər artmışdısa, bu gün səhər bir o qədər də artıb – bütün sürücülər elə ilk cəhdlərində dünənki nəticələrini yaxşılaşdırıblar.

Sessiya Timo Qlokun problemləri ilə başlayıb – alman sürücü boksa qayıdıb və kiçik təmirdən sonra işini davam edtirib. Ciddi insidentlər baş verməyib.

İlk 45 dəqiqəni sürücülər Medium tərkiblərlə işləyiblər və Fernando Alonso protokollara başçılıq edib, amma SuperSoft tərkibinə keçən kimi Sebastyan Fettel ən yaxşı nəticəyə imza atıb.

Nəticələr belə olub:

Qurumaqda olan tras. Buludlu. Havanın temperatur +19° C, trasın temparaturu +20° C

Sessiyanın əvvəlində tras axşam yağmış yağışdan sonra nəm olub, ona görə də sürücülər vəziyyətin yaxşılaşmasını gözləməli olublar. Dünən asfaltın üzərini örtmüş işlənmiş rezin yuyulduğundan komandalar təkər seçimi üzərində işi yenidən başlamalı olublar.

Sessiyanın sonuna 16 dəqiqə qalmış Felipe Massa yeddinci döngədə qoruyucu divara qabaq sol təkərlə toxunsa da, boksa qayıda bilib. Sessiyanın sonunda isə Lukas di Qrassi onuncu döngədə qəzaya uğrayıb. Karun Çandhok hidravlik problemlər üzündən nəticə göstərə bilməyib, Niko Rosberq isə ilişmə muftasındakı problemlər üzündən sessiyanın sonunda cəmi dörd dövrə vura bilib.

Protokollara isə Lyuis Həmilton başçılıq edib, son dövrələrdə britaniyalı sürücü dördüncü döngədə baryerə toxunsa da, maşın ciddi zədə almayıb…

Nəticələr belə olub:

Quru. Buludlu. Havanın temperatur +25° C, trasın temparaturu +31° C

Bu gün səhər göyün üzünü buludlar örtüb, havanın və trasın temperaturu aşağı düşüb, bu isə təkərlərin effektliyinə təsir edib.

Sessiya problemlər ardıcıllığı ilə başlayıb – Kovalaynenin maşınında ötürmələr qutusu üçüncü ötürmədə ilişib qalıb, Adrian Sutil hidravlik problemlər üzündən cəmi bir dövrə vurub, Mark Uebberin maşınında isə akseleratorun elektron sistemi sıradan çıxıb. Mark və Heykki təmirdən sonra trasa qayıdıblar, Adrian isə sessiyanın sonuna qədər boksda oturub.

Sürücülərin əksəriyyəti səkkizinci döngənin geniş təhlükəsizlik zonasına baş vurublar. Xüsusən də sessiyanın sonunda komandalar Soft təkərlərə keçdikdən sonra trasın bu sahəsi ən qaynar sahəyə çevrilib.

Protokollara isə Sebastyan fettel başçılıq edib – Red Bull mövsümdə yeddinci ardıcıl poulunu qazana biləcəlmi?

Nəticələr belə olub:

Quru. Günəşli. Havanın temperaturu +20° C, trasın temperaturu 30° C

Şənbə sərbəst yürüşləri cəmi bir saat davam etsə də, iki gün əvvəlki üçsaatlıq yürüşlərdən daha çox insidentlərlə yadda qalıb. Sessiyanın startından 15 dəqiqə keçmiş Timo Qlok hidravlik problemlər üzündən tunelin çıxışında maşını saxlayıb.

Beş dəqiqə sonra Massenet döngəsində Fernando Alonso öz F10-nu ciddi dağıdıb, sessiyanın gedişində isə məlum olub ki, ispaniyalı sürücünün monokoku da dağıldığı üçün sürücü sıralanma turunda iştirak etməyəcək – komanda sadəcə maşını bərpa etməyə vaxt çatdıra bilməyəcək.

Mixael Şumaher və Vitaliy Petrov beşinci döngənin təhlükəsizlik zonasına baş çəkiblər, Adrian Sutil Kazino meydanında maşını saxlaya bilməyib və arxa antiqanadla baryerə toxunub. Heykki Kovalaynenin maşınında ötürmələr qutusu sıradan çıxıb.

Protokollara isə Robert Kubitsa başçılıq edib, ilk 12 sürücü 1 saniyəyə yerləşib, sıralanma turu çox maraqlı olacaq…

Nəticələr belə olub:

Quru. Buludlu. Havanın temperaturu +18° C, trasın temperaturu +21° C

Dünən olduğu kimi bü gün də ən sürətli Red Bull sürücüləri olublar, Sebastyan Fettel 81 saniyədən sürətli yeganə sürücü olub. Onun rəqiblərindən üstünlüyü nəzərəçarpacaq dərəcədə böyükdür.

Sessiyanın startında iyirmi dəqiqə sonra dördüncü döngədə Kamui Kobayaşi və Vitaliy Petrov bir-birinin ardınca trasdan çıxıblar – sürücülər içində gecə yağan yağışdan sonra su qalmış porebrikin üzərinə çıxarkən təkərlər sürüşüb. Yarponiyalı sürücünün maşını çınqıllı zonada ilişib qalsa da, rusiyalı sürücünün maşını qoruyucu baryerlərə çırpılaraq sıradan çıxıb. Sessiya dayandırılıb, baryer bərpa olunub.

Sessiyanın sonuna beş dəqiqə qalmış Adrian Sutilin maşını trasda dayanıb…

Nəticələr belə olub:

Quru. Günəşli. Havanın temperaturu +19° C, trasın temperaturu +31° C

Mark Uebber səhər sərbəst yürüşlərin protokollarına başçılıq edib. Sessiyanın sonunda bütün sürücülər sıralanma turunun sazlanmalarını yoxlayarkən ən yaxşı nəticələr göstərilib.

Sessiya Vitaliy Petrovun qəzası üzündən qırmızı bayraqlarla dayandırılıb…

Nəticələr belə olub:

Quru. Buludlu. Havanın temparaturu +32° C, trasın temperaturu +42° C

Bu gün əshər sərbəst yürüşlərdə ən yaxşı nəticəni sessiyanın sonunda Mark Uebber göstərib – avstraliyalı sürücü bütün sessiyanı sürətli olmuş Lyuis Həmiltonun nəticəsini cəmi 0.017 saniyə yaxşılaşdırıb. Lyuisə 0.028 saniyə uduzmuş Sebastyan Fettel RB6-nın sıralanma turunda favorit olmasını təsdiqləyib. Ümumiyyətlə, sıralanma turu maraqlı olacaq.

“Böyük dördlüyün” digər nümyəndələri – Ferrari və Mercedes GP sürücüləri də liderə az uduzublar, səkkizinci olmuş Felipe Massanı Markdan cəmi 0.632 saniyə ayırıb. “Yerdə qalanlardan” ən yaxşısı Robert Kubitsa olub, Rubens Barrikello isə ilk onluğu tamamlayıb. Yeni komandalardan ən yaxşısı isə Timo Qlok olub…

Nəticələr belə olub:

Quru. Günəşli. Havanın temperaturu +21° C, trasın temperaturu +26° C

Şənbə sərbəst yürüşlərinə yerli azarkeşlərin sevimlisi Mark Uebber başçılıq edib – ev trasında Mark uik-endin ən yaxşı nəticəsini göstərib: 1:24.719 – bu Rubens Barrikellonun keçən il sıralanma turunun ikinci sessiyasında göstərdiyi nəticədən yaxşıdır.

Markdan başqa daha iki sürücü 85 saniyədən sürətli olub, ilk onluq isə bir saniyəyə yerləşib – sıralanma turunda mübarizə gərgin olacaq…

Nəticələr belə olub:

Quru. Günəşli. Havanın temperaturu +32° C, trasın temperaturu +45° C

Fernando Alonso Bəhreyn Qran Prisinin son sərbəst yürüşlərində protokollara başçılıq edib. Sessiyanın sonunda bütün maşınlar sıralanma turu rejimində az yanacaqla və yumşaq təkərlərlə işləyiblər.

Yeni komandaların problemləri isə davam etməkdədir, yalnız Lotus nisbətən rahat nəfəs ala bilər. Sessiyanın əvvəlində Timo Qlokun VR-01-ində sol qabaq təkər açılıb, onun komanda yoldaşı Lukas di Qrassi isə heç bir tam dövrə vurmayıb. Hispania komandası isə Karun Çandhoku heç bir dəfə də olsun trasa buraxa bilmədiyi üçün, hindistanlı sürücü sıralanma turunda və yarışda iştirak etməyəcək.

Nəticələr belə olub:

Quru. Günəşli. Havanın temperaturu +33C, trasın temperaturu +42C

Güclü yağış. Nəm tras. Buludlu. Duman. Havanın temperaturu +17C, trasın temperaturu +19C

Quru. Günəşli. Havanın temperaturu +26C, trasın temperaturu +37C

Quru. Qaranlıq. Havanın temperaturu +31C, trasın temperaturu +30C