Qeyri-rəsmi məlumatlara görə, FİA çempionatdakı 13-cü vakansiyanı tutacaq komandanın adını iki həftədən sonra elan edəcək – xatırladaq ki, BMW şirkətinin çempionatdan getməsini elan etməsindən sonra çempionatda vakant yer əmələ gəlib. Bu yerə potensial namizədlər sırasında BMW Sauber-in sələfi də ola bilər, amma Lotus, Prodrive və Epsilon Euskadi kimi komandaların da çempionata gəlməsi mümkündür.
FİA-nın qərar qəbul etmə tarixini İspaniyanın EFE agentliyinə müsahibəsində mühəndis Serxio Rinland səsləndirib, o Xoan Villdelpartın Epsilon Euskadi layihəsində iştirak edir. Rinland jurnalistlərə bildirib ki, vakansiyanın sahibinin adı İtaliya və Sinqapur Qran Priləri arasında müəyyən ediləcək…
