Hispania komandasının sahibi Xose Ramon Karabante əmindir ki, Avstraliya Qran Prisində onun sürücülərinə sıralanma turunda zəif nəticə göstərmələrinin əsas səbəbi maliyyə problemləridir…
Xose Ramon Karabante: “Əgər bizim büdcəmiz başqa komandalarda olduğu qədər olsaydı, biz mövsümün ilk yarışına testlərdə 3000 km məsafə qət etdikdən sonra gələrdik. Keçən il olduğu kimi bu dəfə də biz maşın üzərində işə çox gec başladıq, buna da əsas səbəb büdcəmizin çatışmazlığıdır. Biz sponsor tapmışdıq, danışıqlar uzun müddət çəkdi, amma sonda heç bir nəticə vermədi.”
Karabante bildirib ki, Toyota Motorsport ilə əlaqələri tam kəsdikdən sonra komanda “qarşısına real məqsədlər qoyur.” Komandanın büdcəsi cəmi 45 milyon Avro təşkil edir, ona görə də komandanın Asvtraliyadakı çıxışını Xose Ramon müsbət qiymətləndirib: “Liutsi sıralanma turunda cəmi 11 döbrə vurdu, əgər sərbəst yürüşlərdə o heç olmasa 20 dövrə vursaydı, asanlıqla starta düşə bilərdi – 1.7 saniyəlik fərqi aradan qaldırmaq üçün möcüzə lazım deyil.”
Malayziya Qran Prisində komandanın maşınları fərqli burun elemnti alacaqlar, İspaniya mərhələsində isə Karabantenin sözlərinə görə, maşın tam yenilənəcək. “Yeni maşın bizim əsas rəqiblərimizi – Team Lotus və Marussia Virgin maşınlarını qabaqlamağa imkan verəcək. Keçən il biz daha pis vəziyyətdə idik, amma Virgin-i keçə bildik, onların büdcəsi bizimkindən iki dəfə çoxdur. Lotus-u da keçərdik, sadəcə bir qəza buna imkan vermədi…”
