Xeres testləri (7-10 fevral 2012-ci il)

Quru. Günəşli. Havanın temperaturu -2°…+15° C, trasın temperaturu 0°…+25° C

Xeres testlərinə 11 komanda başlamışdı, bu gün isə trasa 9 komanda çıxıb – keçənilki maşınlarla işləyən Mercedes AMG və Hispania avtodromu tərk ediblər, ona görə də testlərin son günü trasa yalnız yeni maşınlar çıxıb.

Səhər havanın çox soyuq olmasına baxmayaraq, testlər vaxtında başlayıb. Üç komandada dəyişiklik olub – Yarno Trulli və Niko Hülkenberq birinci dəfə Caterham və Force İndia maşınlarını yoxlayıblar, Kamui Kobayaşi Sauber-in sükanı arxasına qayıdıb.

Səhər testlər trasın vəziyyətinin yoxlanması üçün dayandırılıb, günorta isə 14-cü döngədə dayanmış Bruno Sennanın maşınını evakuasiya etmək üçün. Bir qədər sonra elə həmin yerdə Kamui Kobayaşi də dayanıb – komanda telemetriya ilə hidravlik sistemdə təzyiqin aşağı düşməsini müəyyən edib. Təmirdən sonra hər iki sürücü trasa qayıdıb. İki saatdan sonra Senna ikinci döngədə bir daha dayanıb.

Red Bull maşınında elektrik problemləri üzə çıxıb, komanda fettelin maşınında motoru dəyişməli olub. Eyni problemləri Fernando Alonso da yaşayıb – dünən olduğu kimi yerli azarkeşlərin kumiri günün çox hissəsini boksda keçirməli olub, amma protokollara başçılıq edib – – 1:18.877.

Dördgünlük testlərin yeni maşınlarda ən yaxşı nəticəsini dünən Roman Qrojan göstərib – 1:18.419. Beləliklə, mövsümöncəsi testlərin birinci seriyası arxada qalıb, növbəti dəfə komandalar fevralın 21-də Barselonada görüşəcəklər – elə həmin gün Mercedes AMG yeni maşını W03-ü təqdim edəcək…

Nəticələr belə olub:

Quru. Günəşli. Havanın temperaturu +1°…+13° C, trasın temperaturu +1°…+21° C

Dünən axşam Hispania komandası keçənilki maşınla ikigünlük testləri başa vuraraq Xeresi tərk edib. Komandaların çoxunda dəyişiklik olub – Fettel Red Bull-da, Həmilton McLaren-də, Alonso Ferrari-də, Qrojan Lotus-da, Senna Williams-da debüt ediblər. Force İndia günü iki sürücü arasında bölüb, Caterham-də isə ehtiyat sürücü Qyedo van der Qarde debüt edib. Yalnız Niko Rosberq keçənilki maşını trasa çıxarıb.

Hava səhər soyuq olub, amma tribunaları Fernando Alonsonun azarkeşləri doldurublar – ispaniyalı ikiqat dünya çempionu yeni Ferrari F2012-nin sükanı arxasında debüt edib. Təəssüf ki, günün çox hissəsini Fernando boksda keçirməli olub – komanda hidravlik problemlərlə üzləşib.

Sessiyanın startından bir saat keçməmiş Jül Byanki qəzaya uğrayıb. Force İndia-nın ehtiyat sürücüsü elə ilk sürətli dövrəsində Sito Pons döngəsində trasdan çıxaraq qoruyucu baryerlərə çırpılıb. Sürücü zədələnməyib, ikiyrmi dəqiqəlik pauzadan sonra sessiya davam edib.

Axşama yaxın Sessiyanı digər ehtiyat sürücü dayandırıb – Qyedo 9-cu döngədə trasdan çıxıb. Sessiyanın sonuna 10 dəqiqə qalmış Qrojan Lotus E20-ni trasda dayandırıb – çəndə yanacaq qurtarıb, mühəndislər motorun işləməsi üçün yanacağın minimal həddini müəyyən ediblər.

Dünən olduğu kimi protokollara Mercedes AMG sürücüsü keçənilki maşınla başçılıq edib – 1:17.618, yeni maşınlarla isə ən sürətli Roman Qrojan olub – 1:18.419, günün ən böyük məsafəsini Bruno Senna qət edib (125 dövrə).

Nəticələr belə olub:

Quru. Günəşli. Havanın temperaturu +3°…+12° C, trasın temperaturu +6°…+17° C

Güclü şimal-şərq küləyiü zündən Xeres testlərinin ikinci günü haav soyuq olub. On bir komanda testləri davam etdirib, üç komandada dəyişiklik olub – Serxio Peres Sauber-də Kamui Kobayaşini əvəz edib, Mercedes AMG-də bu gün yalnız Mixael Şumaher işləyib, Force İndia-da isə, əksinə, proqram Pol di Resta və ehtiyat sürücü Jül Byanki arasında bölünüb.

Testlər bir neçə dəfə qırmızı bayraqlarla dayandırılıb. Səhər Kimi Rəykkönen çınqıllığa düşüb trasa qayıda bilsə də, maşın porebriklər üzərində zədələnib – marşallar qırıntıları yığışdırmalı olublar. Finlandiyalı sürücü iki saatdan sonra trasa qayıdıb. Sessiya daha iki dəfə trasın vəziyyətinin yoxlanması üçün dayandırılıb.

Əgər dünən komandalar əsasən sistemlərin baza yoxlanmaları ilə məşğul olmuşdularsa, bu gün proqram daha rənagarəng idi – aerodinamik elementlərin və sazlanmaların effektliyinin öyrənilməsinə başlanıb.

Protokollara Mixael Şumaher başçılıq edib, Mercedes AMG komandası keçənilki maşınla Pirelli təkərlərini öyrənməyə davam edib. Yeni maşınlar arasında isə ən yaxşı nəticəni Mark Uebber göstərib – 1:19.184. Ən böyük məsafəni Heykki Kovalaynen qət edib – 138 dövrə, yeni Caterham maşını etibarlı alınsa da, hələ sürətli deyil. Sabah testlər davam edəcək…

Nəticələr belə olub:

Quru. Günəşli. Havanın temperaturu +3°…+17° C, trasın temperaturu +6°…+25° C

Mövstestlərin ilk səhəri Xeresdə hava çox soyuq olub, trası sıx duman bürüyüb, mətbuat mərkəzinə toplanmış jurnalistlər hətta testlərin təxirə salınacağını güman ediblər, amma tezliklə səmaya qalxan günəş vəziyyəti yaxşılaşdırıb.

İlk testlərə Marussia komandasından başqa çempionatın 11 komandası gəlib, amma Mercedes AMG və Hispania komandaları keçənilki maşınlarla işləyiblər və əsasən yeni Pirelli təkərlərinin effektliyini qiymətləndirməklə məşğul olublar. Yeni maşınlarla işləyən komandalar isə əvvəlcə şassinin sistemlərini yoxlamağa başlayıblar.

Reqlamentdəki dəyişikliklər texniki məhdudiyyətlərlə bağlı olduğu üçün yeni maşınlar keçənilki maşınların təkamülüdürlər, ona görə də etibarlıqla problemlər yaşanmayıb – bu gün bir çox sürücülər yarış məsafəsini qət edə biliblər.

İki dəfə qırmızı bayraqlar dalğalanıb: axşama yaxın Daniel Rikkardo Expo döngəsində dayanıb, ondan bir qədər sonra isə arxa düz yolda Kamui Kobayaşi dayanıb, amma yaponiyalı sürücünün maşınında sadəcə yanacaq qurtarıb – mühəndislər yanacaq sisteminin minimum hansı həddə motoru söndürməsini müəyyən ediblər.

Protokollara Kimi Rəykkönen başçılıq edib, finlandiyalı sürücü hələ səhər qısa dövrələr seriyasında ən yaxşı nəticəyə imza atıb – 1:19.670. Sabah testlər davam edəcək…

Nəticələr belə olub: