Mövsümün ilk iki yarışında BMW Sauber sürücülərindən yalnız biri KERS-dən istifadə edib. Mühəndislər KERS-i yalnız Nik Haydfeldin maşınına quraşdırmışdılar – alman sürücü polşalı həmkarından yüngüldür və bu fərq sistemin ağır çəkisini kompensə etməyə imkan verirdi. Şanxayda Kubitsa da KERS alacaq – sərbəst yürüşlərdə komanda trasın düz yollarında sistemin effektliyini yoxlayacaq. Əgər KERS-in effekti qeyri-optimal çəkipaylanmasından çox olarsa, Robert yarışda da sistemdən istifadə edə bilər. Bu barədə qərar həmişə olduğu kimi cümə sərbəst yürüşlərindən sonra qəbul olunacaq…
Robert Kubitsa: “Biz eksperiment edəcəyik və sonra nəticə çıxaracayıq. Təəssüf ki, sistemin mənim maşınıma quraşdırılması bir az problemlidir, amma mən ümid edirəm ki, KERS-in üstünlüyü balansın mümkün problemlərindən çox olacaq. Baxaq görək, çox şey maşının davranışından və trasla ilişməsindən asılıdır.”
