Renault F1 komandasının sahibi olan Jerar Lopes təsdiq edib ki, bu mövsüm Renault maşınlarına Rusiyanın Lada şirkətinin loqotipləri vurulacaq. Bu barədə razılaşma keçən həftə komanda rəhbərliyinin və Vitaliy Petrovun ölkənin baş naziri Vladimir Putinlə görüşündə əldə olunub…
Jerar Lopes: “Biz fəxrlə yeni əməkdaşlıq barədə elan verə bilərik, bu əməkdaşlıq Renault komandasının və Formula1-in Rusiyaya müdaxiləsinin başlanğıcı olacaq. Son illərdə biz Mangrove Capital fondu vasitəsilə Rusiyaya ciddi yatırımlar etmişik, biz bu ölkəni yaxşı tanıyırıq və onu yüksək qiymətləndiririk. Bu idmanı Rusiyaya daxil etmək və maşınlarımızda Lada brendini gəzdirmək bizim üçün böyük şərəfdir. Rusiya ilə birlikdə biz maraqlı və uğurlu mövsümün startını səbirsizliklə gözləyirik.”
