Fransada nəşr olunan Journal du Dimanche jurnalı bu gün xəbər verib ki, Renault komandası artıq iki test pilotla müqavilə imzalayıb – 27 yaşlı çinli Ho Pin Tun və 24 yaşlı belçikalı Jerom d’Ambrozio, hər iki sürücünün karyerası ilə komandanın həmsahibi olan Jerar Lopesin Gravity Sport şirkəti məşğul olur.
Fransa mətbuatının məlumatına görə, yeni Renault R30 klassik rənglərə boyanacaq – sarı və qara, komandanın rəsmi saytının yeni versiyası artıq bu rənglərə boyanıb. Hələlik komandanın sürücülərindən birinin adı məlum deyil – Robert Kubitsanın komanda yoldaşının adı bu həftə elan olunmalıdır…
