Mik Haydfeld təkid edir ki, 2009-ci il mövsümündə çempionatda iştirak etməsi üçün gərək olan superlisenziyanın alınması üçün pul ödəmiş üç sürücüdən biri deyil. Məlum olduğu kimi, superlisenziyanın yüksək qiyməti üzündən Formula1 sürücülərinin həmkarlar ittifaqı (GPDA) və FİA arasında qalxmış mübahisəyə baxmayaraq, adları gizlin saxlanılan üç sürücü guya zəruri məbləği ödəyiblər. BMW Sauber komandasının sürücüsü Nik Haydfeld Bəhreyndə dərc olunan Gulf Daily News qəzetinə müsahibəsində bir daha qeyd edib ki, GPDA-in mövqeyini dəstəkləyir və hələ heç bir məbləğ ödəməyib…
Nik Haydfeld: “Mən ödəməmişəm. Məncə, GPDA-in məktubunda bizim mövqeyimiz yaxşı izah olunub və mən tamamilə bu mövqe ilə razıyam.”
