Mark Uebber inanmır ki, mübahisəli diffuzorlardan istifadə edən komandalar cümə sərbəst yürüşlərində olduqları kimi yarışda da sürətli olacaqlar. Bu gün Williams sürücüsü Niko Rosberq trasda ən sürətli olub və Rubens Barrikello (Brawn GP) ilə Yarno Trullini (Toyota) qabaqlaya bilib. Hər üç sürücünün maşınında rəqiblərin protestinə səbəb olan diffuzorlar quraşdırılıb…
Mark Uebber: “Məncə, bazar gününə kimi biz maşınların real sürətlərini bilməyəcəyik, amma yenə də hətta yarışda da kimsə sürətini gizlədə bilər. Deyəsən, hələlik hamı sürətini gizlədir, amma ola bilər ki, yarışın gedişində biz iki müxtəlif çempionatın şahidi olaq.”
