Maks Mosli yenə də Bəhreynə baş çəkə bilər. Keçən il Britaniya mətbuatında FİA prezidentinin şəxsi həyatının müəyyən təfərrüatları işıq üzü gördükdən sonra Bəhreyn vəliəhd şahzadəsi Şeyx Salman bin Həməd əl Xəlifə bildirmişdi ki, krallığın mənəvi prinsipləri belə bir qonağı qəbul etməyə icazə vermir. O zaman Mosli Bəhreynə səfərini təxirə salmalı olmuşdu, amma o vaxtdan çox şey dəyişib…
Şeyx Salman bin Həməd əl Xəlifə: “Moslinin günahsız olduğu sübuta yetib, o yenidən seçilib və FİA prezidenti kimi bizim ölkədə lazımi hörmətlə qarşılanmalıdır.”
Vəliəhd şahzadə FİA prezidentini Bəhreynə dəvət edib, amma Mosli bu dəfə də səfərdən imtina edib…
