Avstraliyada Hispania komandasının sürücüsü Karun Çandhok finişə qədər yarışı davam etdirə bilib, hərçənd, finişdə o yarışın qalibindən 5 dövrə geri qalıb. İspaniya komandası üçün bunu böyük nailiyyət hesab etmək olar və indi çempionatın debütantları tempin inkişafına ümid edirlər…
Kolin Kolles: “Artıq mövsümün ikinci yarışında bizim maşınlardan biri finişə çatdı, ilk məqsədimizə çatdıq. İndi biz qarşımıza növbəti məqsədimizi qoymuşuq: hər iki maşın bütün yarış məsafəsini qət etməlidir. Bundan sonra biz bütün diqqətimizi şassinin modernizəsinə və sürətin artırılmasına yönəldəcəyik.”
