Bu gün Maranelloda Ferrari F150-nin rəsmi təqdimatından sonra Fernando Alonso yeni maşını Fyoranoda trasa çıxarıb.
Səhər trası bürümüş duman üzündən testlərin keçirilməsi tərəddüd doğururdu, amma nahardan sonra hava düzəlib və ispaniyalı sürücü nəm trasa çıxıb – çempionatın hər komandasına reklam məqsədi ilə markirovkasız təkərlərlə kiçik sessiya keçirmək icazəsi verilir.
Sabah isə Felipe Massa yeni maşını çəkilişlər üçün trasa çıxaracaq, fevralın 1-də Ferrari komandası Valensiyada rəsmi testlərə başlayacaq…
