Formula1-in ən böyük səhmdarı CVC Capital fondu səhmlər paketinin üç sərmayə şirkətinə – BlackRock, Norges Bank İnvestment Management və Waddell & Reed şirkətlərinə satışını təsdiq edib.
Rəsmi bəyanatda deyilir: “Üç sərmayə şirkəti 1.6 milyard dollara Formula1 səhmlərinin 21%-ni alıb. CVC isə əvvəlki kimi çempionatın ən böyük və nəzarətçi səhmdarıdır.”
Donald Makkenzi, CVC fondunun icraçı tərəfdaşı: “Formula1 səhmlərini aldığımız gündən bəri biz şirkəti və onun rəhbərliyini dəstəkləyirik. İndi isə bizə üç hörmətli sərmayədar da qoşulub. Biz yeni tərəfdaşlarımızla birgə işimizin başlanmasını səbirsizliklə gözləyirik.”
Çempionatın səhmlərinin 21%-nin 1.6 milyard dollara satılması o deməkdir ki, ümumən Formula1 8 milyarda qiymətləndirilib. Bundan başqa, CVC Sinqapur fond birjasında İPO-nun keçirilməsi üzrə planlarını da dəyişməyəcək.
Bu arada Sky News telekanalı xəbər verib ki, Unilever şirkətinin maliyyə direktoru Jan Mark Yuye Formula1-in direktorlar şurasına müstəqil direktor kimi daxil olub…
